آمـسيڨـل اذ ـ اثزيزوتّْ اَسّـعـدّان اِيض ـ غَرْ آيث حَـمُّـو اِيسـنِيـنَا
اُو ذي ـ اثنزّاڨ زيك اَطّْـفَــن آبـرِيذ اَنّْـسن كمّلن.
يلّا الحَــال يَـحمَـا لَاباس وَلِّــيش ن الظَّــلّْ
اقْـلي ـ هَاه غَــبَّن.
اَمبــصّح كَـمّـلَن آبريذ اَنّــسَنْ،
اَمـغِـيرْ اَژڔيــن غَـرْ لَبْــعيـتّْ آخّام ذامــزْيَانْ.
واايّا يوعاْ ذِيــسَنْ الرُّوح اَلّان اَسّارامَن آذافَنْ اقْــلِي ـ ن ـ الرَّاحَثْ.
كُـلّْ مَا قَرّبــَن،
اَسّالَــن اسْ ـ ذاخَــلْ الحَــسّْ ذامُــقران ـ ن ـ وَخْــباظ ـ ن ـ اُومارطو.
آمـسيڨـل اِيــلَاغا اَسْ ـ نَــزَّهْ، اَمبَــصَّحْ حّدّْ ـاوْـ لَا يـسّْلاسْ.
اثزيزوتّْ اَثـطَبْـطَبْ ـ ف ـ الْبابْ، لامكنّاتي حـدّْ لَا يُــوسِــيدْ.
ذوزّيــنـيْثْ قِــتشّْ، واَسّـجْـبَانْ ذاخَلْ.
اَژڕيـنْ سَــنّْ ـ ن ـ اِيْرْڨــازَنْ اَطّـڕاقَنْ ذڨ ـ اُوزّالْ ـ س ـ اُومارطو يِـيـژاڨْ.
اَتّْـحَــانُوتّْ ـ ن ـ اُوحّـــدّادْ، اّتّابَركانتْ ذَاسْلُــو، اَسْ ـ يِـيْـلْـمَـسْ ذازُڨَّاغ
اَسّـيسْ اَتّـافّاڨَـنْ اِيْـصَـفْـضَاوَنْ ذْڨ مُوكَانَنْ ڨاعْ.
اُوذْفَــن واَقِّـيمَنْ ذِيـينِـينْ اَتْـفُورِّيجَنْ ذڨ ـ اِيَّـا ـ آڨّ ـ خَــدّمَــن ـ اُوزَّالْ.
اثزيزوتّْ اَثْ ـ غَـبّْ ـ اَمغِـيرْ هَوِّيتْ الْغومَّـثْ ذڨ اَمكان.
ينّا اُومَاس ـ ذڨّْ ـ اُولْ اَنـّسْ: " عُوضنَـاهِي اتّـاداّرث ـ ن ـ اِينَــمِّـيـتّأ ـ ذايّا ،"
" اَنـلاغَـا ـ غَرْ ـ الْبابْ، اَمبصّحْ حَــدّْ لَا يَـسْلَانَغْ.
اَن ـ طَبْطَبْ، اَمبَصَّحْ حَـدّْ لَأ يَـسِّـيذفانَغْ.
اُو ـ سُڨَّـأ نُـوذَفْ، نُـوفا اِيـمَانَـغْ ذِي ـ ثَـالّاسأت ـ اُو ـ ذِيْ ـ الْعافيـفَـث اَثْـكَـنَّـفْ
اَس ـ تِـيِّيثا ـ ن ـ الْمارطو ـ يَـقْـوانْـتْ ـ آتّيـنِيـذْ آنـشنِـيْنْ نَتْـعَاش ذُڨْ عَژڔ ـ ن ـ اُونِـيْلْ."
فُـو نَڨّارو ـ اِيَّـا ـ آڨّ ـ خَــدّمَــن ـ اُوزَّالْ ـ اَسَّـرْسَنْ ثِـيغَاوْسِـيـوِينْ واَسّـنْـعْـثَنْ سِي ضُــوضَان اَنّْـسَـنْ الْپـونـــكْ
يَـمُّـــوُڨْ ـ سْ ـ وَصغاڕ ـ ن ـ تَزْدايَثْ آنِـي اَسّْــغِـيمَـنْ اثزيزوتّْ
اُو ـ امبَـعْدْ اَوِّيــنْدْ آمان ن اتسَـسِّي
سُڨّا اَسَّـڕثاحَـنْ اقْـلِي ، آمـسيڨـل اِيعاوَذاسن ثاقصِـيـصْتْ اَنّْـسَ نتَّا اذ ولتماس.
اَذ ـ لَمشَـقَّثْ آڨَـلّان اَسّْـعَـدّانِـيتْ ذُڨّْ اَبْـرِيــذْ.
يسِّــيوَلْ ـ وَاڨّ ـ خَــدّمَــن ـ اُوزَّالْ ويّـنَّـا، " لَعْـبَذ يَـقّـيمْ آمْ ـ اُوـ صُـوڕدِي
يَـتْواصْڕافْ ذَايَّا اَذْ ـ غَاذي، اَبْلَا مَا ـ آذ ـ يَحْـبَسْ اُوـ يَـتْعَدَّا سُڨْ ݒڔطْفاي غَرْ ـ اُوـ ݒڔطْفاي.
لَعمَــرْ اَنَّغ نَسـعَدّايِـيثْ نَتَّــكَّـأرْ سُڨ مُوكَان غَرْ ـ اُوـ مُوكان،
اُورـ نَـتَّـافْـشْ الرّاحَثْ اخلاصْ ذِي اَدِّيـمُّث آيّأ!"
يُوثْــلَاي اُومَاسْ او ينّا: اَمْبَـصَّحْ اِيمَزوُورا اَنّـانْ،
لاكد ما هوضيد سڨ اخف ن اُوـ ثعَرقُوبَثْ، سي اثمورث اورـ اثعدِّيذش، اُوْ كُلّْ صوڔدي غَرسْ سَنّْ ـ ن ـ وُوذمَاوَنْ
اِيـڨَـطُّـو ـ ف ـ ثيشتْ ـ ن ـ تَـغـمُـڔث، مشتا ثلا ثغمرث آفك آڨ ايضو، يَـتْــغِـيْـمَا آمكْ يّــلّا.
لَــعْـبَذْ بَعْـدْ هَامِّـين، نتّا بَعْدْ غَرْسْ سَنّْ ـ ن ـ وُوذمَـاوَنْ
اِيْ ـ ڨَـطُّـو ـ ف ـ ثيشتْ ـ ن ـ الْجِــيهَـثْ، اُوـ يَـتْــغِـيْـمَا آمكْ آڨ ـ اَلّا.
آس ـ ن ـ واها ذ يحبس سي اثڨــطَّاوث آسّْ اِينين آث ذاسّْ ـ ن ـ لاخرث,
آذـ يافْ اِيمَـانّـسْ يَـا ذِي ـ الْجَـنَّثْ، يَـا ذي ـ الْعَـافِـيـفْـثْ!" ـ اُو ـ ذِيــنِــن ـ آذ ـ يَــقِّــيـم !"
ينّا آمـسيڨـل: ثَـسّْـنَم ماتّـا آذْ ـ يَـضْـڔان آسّْ ـ ن ـ لَـحْـسَابْ؟"
يَنّا ـ وَاڨّ ـ خَــدّمَــن ـ اُوزَّالْ: " اِيْ هِيه، اَقَّـارَنْ كُلّْ اِيْــشْـتْ اَسِّـينَغْ آذـ اِيْـبَدّْ اَزداثْ ـ ن ـ رَبّـي،"
" اُو ـ كُلّْ اِيـشْتْ آذْ ـ يَقڔا اَزّْمَـامْ اَنّـسْ يَجْـمَلْ ـ اَفْ ـ وَاـ آڨِّــيـڨَا.
اِيّا آڨَلّان اِيــڨيْنْ ثيــغَاوسِــيوِين اَحْــلَانتْ، آهَن عَاوذَنْــتْ.
اِيّا آڨَلّان اِيــڨيْنْ ثيــغَاوسِــيوِين فُـوحــنْتْ، آهَن عَاوذَنْــتْ.
اَمبَــعد يُوذان ڨاع آڨلّان هِـڨِيذ اِيذْسَــنْ اِي ـ نَـحْـشِـيمَنْ
آذَكّْـرَنْ وآشـ حَاسبن ـ فْ ـ وامْك هَلِّــيذْ هَـڨُّـورذْ اِيــذْسَنْ.
آشْ ـ آزْنـــنْ ذِي ـ ثْ ـ ݒاصݣولْـط وَلِّــيـشّْ ـ آم ـ نــتَّـاثْ ـ ثَـاڨلّان ـ اُورـ ثَـسَّرْكوسْــشَّا اخلاصْ.
اَمْــبَــعْدْ آيثْـبابْ ـ ن ـ اَدّْنُـــوبْ آذَعْـــنَانْ غَر الْعافِــيفَــثْ
اُو اِيّا آڨلّان اِيڨِــينْ آڨ ـ اَتّــخْـسْ رَبّي آذعْـنانْ الجَـنَّثْ.
آمـسيڨـل يَـضرَن ثوثلايث آيّا ڨاع ذَڨ ـ اِخْف اَنّـــسْ.
ينّا ـ فُ ـ اونڨَّـارُو، " اَمبَـصَّح، مانْـدْ وَا اَسِّـينَغْ. آڨَــلَّان يَـتِّيڨ ڨاع ـ وَا ـ سْـيَنَّا رَبّي؟"
اِيـخَژڔيـثْ ـ وَاڨّ ـ خَــدّمَــن ـ اُوزَّالْ ـ اُو ـ يَنَّا." هَامَّــأ اَنَّانْ،"
اَمبَصَّحْ وَلِّــيشْ لَاكَدْ حَــدّْ اَسِّــينَـغْ يِــيْـڨَا آڨّ ـ اَخْـــسْ رَبِّــي.
يَنّأ آمـسيڨـل: " مَـا يَلَّا ـ ذَ ـ اَتَّايّا اَتّامْــسَالتْ،"
" مَــاتِّا آغ ـ انْـيَـضْـڔانْ نشْـنِــنْ آڨَّــلَّانْ اُوـ نَّــنْـجِـيـحْشْ ذِي ـ لَمْــتِيـحَــانْ ـ ن ـ رَبِّي؟"
اَمَّالَا، آنّــطْـلَبْ سِي رّبِّـي آذ ـ يِــيلِي ذارحــيمْ اِيــذْنَغْ،"
اِيْ ـ وَاجْــبَدْ ـ وَاڨّ ـ خَــدّمَــن ـ اُوزَّالْ، سْ ـ اُوـ نَــحْـشَـمْ.
" غَـرْوَنْ لَخْــبَر مَــا يَــلَّا ـ آذْ ـ يِيْــلِي رَبِّي ذارْحِــيـمْ اِيْــذْنَغْ ڨاعْ،
اَنِّــيغْ اِيــذْ ـ نَ ـ اَثْـقَـضْعِيــثْ اَسِّــينَغْ بــرْكْ؟"
يَنّا آمـسيڨـل: " مَانِــي اَغْرِي لَخْبَـرْ؟" ينّا ـ وَاڨّ ـ خَــدّمَــن ـ اُوزَّالْ. " نتّأ وَحــذَسْ آڨلَّان غَرْسْ لَخْبَرْ!"
ينّا آمـسيڨـل: " اَثغاوسا آيّا اُوـ ثَسّْــهَـنّايْـشْ اخْلاص!"
اُورـ نتـنَــدجّامش اخلاص آنَّـسَّنْ بَـلِّي آنّـعْنَا غَرْ الْجَــنّـثْ اَنِّــيغْ غَرْ وَمْكَانْ اِيــشْتْ؟
ينّا ـ وَاڨّ ـ خَــدّمَــن ـ اُوزَّالْ: " اِيْ هِيه، واڨـلّان يَتَّـاڨّأذْ سِي ـ لَـعْـذاَبْ يّــزّمْ فَـلّاس آذ ـ اِيْــسِّـيْـرْمْ آس ـ اَتّْــوَاوْشْ الرّحْــمثْ،"
سُڨّا يّـسْلا ثوثلايْثْ آيّا، يَسِّــيْوْلْ اُومَاس اُو ـ يَنَّا
" اَقَّارَنْ بَلّي الْحَـاسَانْتْ هيشْت بَـرْكْ هَتَّــازَنْ اَمْــيَا سِي ـ هِيَّا ڨَلَّان اُورـ ذَحْــلِينْــتْشَا.
اَمّاَلَا يَــزَّمْ آذ ـ يَتـْواڨّْ لاباس ـ ن ـ الْـحَاسَاناثْ يَحْـلَانْـتْ بَاشْ آذْ ـ يِـيْلِي الْميزَانْ يَـحْلَا."
يُوقَّلْ غَرسْ اُومَاسْ اَمْـليحْ اَزْدَاث ـ ن ـ وَا ـ هَاذيِــينـِي،
" اَمَّاغَفْ يَـتْـباناكَدْ آتّْـنَدجّـمَذْ آتّ ـ بَدّذْ اَزْداث ـ ن ـ رَبِّي
باشْ آتَّـازْنَــذْ الشَرّْ آڨَّـلّان هِيــڨِـيتّْ اِيـذ ـ ن ـ الْحَاساناثْ؟
اُورـ ثَـتْـنَـحْـشامَـذْشْ ـ ف ـ الدّنُوباثْ ذ ـ تْغاوْسِـسـوِينْ ثيـفَـوَّاحــين آڨَـلّان هِــيڨِــيذْهَنْتْ؟"
ينّا: " آكُـمْـدْ عَاوْذَغْ اقْـلِي ـ ن ـ تَـقْصِــيْـصْتْ،
اَسْــلِيْــغْـتْ س غَرْ ـ اِيْـمَـزْوُورَا
ثيلّا زيك اشْرَا ـ ن ـ اُ ـ ڨَـلِّـيذْ ذارڨَازْ يحلان، اُورـ ذيــتَتّْـشَا اخلاص آكسوم ن اِيــلْفْ.
اُوـ يَلَّا غَـرْسْ ذِي ـ لَقْـصَـرْ واڨَّـلَان يَـتْـنَاوَلَاسْ الـمَاكَلْـتْ كُلّْ آسّْ.
اَشْرا ـ ن ـ وَاسّْ وايّا آڨ ـ اَتْـنَاوَالَنْ يِــيْڨَا ثيمَرقَـطّْ ـاِيْ ـ اُوڨَلِّـيـذْ.
يِـيڨَا ذِيــسْ آكسوم ن اُعَــجْـمِي، \ اِيْــزْمَــرْ ـ اَذْ يِــيْـلْف...
اَمبَعْــدْ يرْنِي يَڨْـرا ذيسْ ڨاع لُـفَّـاحـاثْ ّ ذ ـ الْمَلْحْ ذَ ـ الْخُـضْڔَثْ؛
يَـسُّورْ كُلـْشِي اُ ـ يَقِّـيمْ يَطْـڔاجَا باشْ آتُّــمّْ اَمْـلِيحْ.
ثَلّا اَرِّيْــحْـثْ اَتَّـازْكِيــمْتْ هَـتّْـشَاث وآڨلّــيذْ يلّا يطْـڔاجَا باش آذ ـ يتشّْ اَمـلِيحْ.
سُـڨَّا يسّرْسْ واڨّْ ـ اَتْـناوالَنْ المَاكَلْتْ، آڨَلِّــيذْ ينَّأ، ’ ماتّا ثَـحْـلَا اِيْــمَـڔقَــطّْ آيَّأ!
مَأتَّأ ثِـيـڨِـيـذْ ذِيْـــسْ؟‘
’ اَقْـلِي ن وكسوم ـ ن ـ اُوعَجْــمِـي، اَقْـلِـي ـ ن ـ يَزْمَرْ ذ ـ اقْـلِي ـ ن ـ يِـيْـلْـفْ.،
يَـكّـرْ آڨَـلِّـيذْ، اِيْـغُــوشّْ. يَـلْـغَضْ فَلّاس ويَنّاس ’شكّْ ذِي ـ اَمطَــنّه ‘
’ اَسْـخَابْـلَاك :آكسوم ن اُوعَـجْمِـي اَذْ وا ـ ن ـ يَزْمَرْ آذوعَان اِيـلَفْ يَـحْـلَا؟
سَ ـ الْعَكْسْ، آثْ ـ آكسوم ـ ن ـ ِ يْلْـفْ آڨّلّان اِيْــفِـيَّا ثِـيْــمَـڔقَــطّْ ڨَاعْ!‘
يَّـمَّـضْـڔانْ غَرْ وا ـ ڨَّـتْـنَاوَالَنْ اُوْ ـ يَنَّا، اَبِّـيْــتّْ اِخْـفْ ـ ن ـ الْــجَاهَلْ آيَّأ.
آبِّـيْتَّاسْ اِخْــفْ هَـڨْـرمْيـتْ ذُڨْ ـ هَـمَّـاجْ آبَـرْكَانْ، اَسْ ـ نَتَّأ ـ سْ ـ اتّْــمَـڔقَــطّْ ـ اَنَّـــسْ!
آث ـ يـسِّـيْـذْفَــدْ اَغْــرِي لَـفْـسَاذْ آث اُورـ ذـ اِيسْـتَاهِيـلْشْ غِــير ثَامَتَّانْــتْ!"
اِيْــكَــمَّلْ ـ وَاڨّ ـ خَــدّمَــن ـ اُوزَّالْ ثُـوثلَايثْ اَنَّــسْ اُوـ يَــنَّأ، " آثايَا ماتّا آذ ـ يَضْڔانْ اِي وَاڨَّلَّان يَـتْـبَـدَّا اَزدَاثْ ـ ن ـ رَبِّي،
واڨَلَّان يَــسَّاذَافْ غَــرْسْ الشَّـرّْ يّــسُّورْ اِيْـــذْ ـ ن ـ الْخِـــيرْ.
اُوـ مَاتَّأ آسْ ـ يِــيـنِي رَبِّــي اِيْــمَرْذِيــنْـكْ؟ آثْ آسْ ـ يِـــيْـنِيْ،
’ طَّــيّْـشَـتْ آنَـغْــبُونْ آيَّأ ذِيْ ـ الْـعَافِـيْــفْثْ آثْ ـ يَـسِّــيذْفَــدْ اغْــرِي لَــفْــسَاذْ!
آث ـ اُورـ يَــسْــتاهِيلْ غِــيرْ الْـعَافِيــفْـثْ!‘
واَدجّــيْـمَايَا آكُمْ ـ اِيْــنِيغْ بَلِّي ثِـيْـغَأوْسِـيوِيــن ـ آڨَـلَّان اَحْلَانْتْ اُورـ تَّـكّْـسَـنْـتْـشَا ثِـيْـغَأوْسِـيوِيــن آڨلّان اُورـ اَحْـلِـيْـنْـتْـشَا،
خَاطْراشْ آڨلّان اُورـ حْـلِـيْـنْـتْـشَا فِــيَّانْــتْ لَعْــبَذْ ڨَاعْ.
آنّــجْــبَذْ سَڨّْ اِيْــلْــمَــسّْ آن ـ اَڨْـرَا ذيس بَــعْــدْ!"
يَنّا آمـسيڨـل، س ـ الصُّوطْ يَــذْلَا:
آمَاسْ، وَايّا ڨَاعْ يَتَّــدجَّا زَاوْ ـ ن ـ يّـخْــفْ يَـتْـبَـدَّا!
" يَالّأ اُورـ نَــتْـندجّامش آنّافْ آمْـكْ آنّــكَّـسْ
آڨَلّان يَــدجَّانَغْ اُوـ نَّــتْــوَاقْــبَالْشا زْدّاثْ ـ ن ـ رَبِّي ويَـتِّيـيـڨَانَغْ آنَحْـشِيمْ ذي ـ ثِـيطّاوين اَنَّغْ،
زْدَاثْ ـ ن ـ وـ آنّْــبَــدّْ غَــرْ ـ رَبِّـــيْ؟
اُورـ نَتْــدجَّــامشْ يَــعْــنِــي آنَّــسَّــيـنْـضّــفْ اِيْــمَانَّغْ سِـي اَدّْنُــوبْ زْداثْ ـ ن ـ وَاهَا ـ اَتْــواڨْــرَنْ ـ ف ـ الْـمِيــزَانْ؟"
" لُوكَــانْ بَرْكْ لَعْـبَذْ آذْ ـ اِيْــنَـدْجَّـمْ آذْ ـ يَــسَّن بْلَامَا آذـ اِيــشُوكّْ
مَــا يَلَّا آذ ْـ يِــيْـلِيْ رَبِّـي اِيْــذَسْ ذَارْحِــيْمْ!" يَنّا ـ وَاڨّ ـ خَــدّمَــن ـ اُوزَّالْ.
" لُــوكَان بَرْكْ آنَّــدْجَّــمْ آنّــمْـسَـفْــهَـام اِيْــذَسْ اَزْداثْ ـ ن ـ السَّاعَـث ـ نَ ـ الْـعِـقَابْ!"
سُڨَّا يسْلا آمـسيڨـل ثوثلايْث آيّا، يَــثّْـنَـهَّــذْ ـ سْ ـ لابَاسْ.
" اَتّايَّا اَتّامــسَالتْ آڨّْ ـ اُوعْــڔنْ سِيْ ـ ثَــمْــسَالِــيْـنْ ڨَاعْ
آڨَـلَانْ نَــسْـلِـيْـهَـنْـتْ ذَڨّْ ـ اُوسَّان آيَّأ آڨّْ ـ عَــدَّأنْ،"
" كَـمّْـلَـتّْ آلِـيْــتّْ اِيْــذْ ـ ن ـ تَبْــرِيْــتّْ آيَّأ،" ينّاسَن ـ وَاڨّ ـ خَــدّمَــن ـ اُوزَّالْ،
" وآتّْــخَـلْـضَـمْ سَ اَطُّولْ غَرْ ـ اُو ـ فِــيلَاجْ ـ ن ـ لَــهْــنَا.
مَا يَلّا اُورـ اَسِّـيْــنَــنْــشَا نَــهْــنِــيْــنْ لَجْوَابْ، ـــ حَــدّْ اُورـ اِي ـ هَــتَّــسَّــنْ!"
يُوقّـا الطَّـرْف وِيــس اثْـمَـنْـيا سِي ـ ثَقصيصْتْ