ذي ث ـ نزّاڨث زِيك اَكّرَن باش آذ ـ اُوڨيرن،
اُوـ كمّلن آبْـرِيذ اَنّسَنْ.
اَمغير امسَلْقان سَ ـ تْصَرْعوفثْ ن ـ وُولّي ذي غَطَّنْ.
اَثفاميلْت ن ـ اِيعَزّابَنْ اَلّان امّجْمَالَنْ ذي ثَخّامْتْ، اَلّانْ تَتَّنْ،
سُڨّا ثژڕيهَن ثامطُّـوث، ثكّرْ باش آهنْ تَعْڕَض آذتشَن اِيذْسَنْ.
آڨلّان غرسن.
آيهْبّاب ن ـ وَخّام سقصانِيهَنْ مَانِيسْ آدُوسِينْ اُو ماني آذ ـ رُوحَنْ
يكّر آمـسيڨـل اِيعاوذاسَن ف ابريذ اَنّسَن، نتّا اَذْ ـ اَثزيزوَتّ،
اَذْ ـ يوذان آڨلّان اَمسَلْقان اِيذْسَنْ.
ينّأ: " اَمبصّحْ اَلّانت ثلاثة ن ـ تمحانجِيّين اُونّدجّيمشْ آهَن ْـ تنَّسَّرڨ،"
" واڨ ـ اَتَّبِّين اِيصغاڕَنْ يقّار بلّي يلّا ويشت يَخْلَقْ اَدِّيمُّث آيّا ثَبهَا اُو ثَحْلَا.
آمْــڔابَـضْ يَقّارْ هضْرا ـ اَثغاوسَا اِي اَدّيمُّث اَهْفِيَّا لَبهاوَثْ ذَ ت تّْمُوحْلِي اَنّسْ.
اُو ثامغاڕث ثَقَّارْ بَلّي اُور ـ يَقِّيمشْ لاكَدْ لَامان ذِي اَدّيمّثثْ
اُو مَشتا وَرنَا ـ ن ت ثْمَتَّانْت، اُورـ ثَتندجّامش آتّضمَن بَلّي آنَّـافْ ثامسدوغَث."
ينّا اُوـ عــزَّاب " نتَّشتَاقاي ڨاع اِي لَهْنا، (لامان)،
" اَمبصّح اُوهَنّتَّاف لاكد ذڨ ـ اُوموكان لَا ذي اَدّيمّث آيّا، لَا ذي ـ لاخرث.
ــ خاطراش اُوـ نَسّينشَا آنڕاضا رَبّي."
سُـڨا يَسْلَا آمـسيڨـل ثوثلايث آيّا، ينّا،
" ثامغاڕث، آنَغبُونْتْ، هُڨَّذ آورَاـ تِيقَبّلشَا رَبّي اَخلاصْ،
خاطراش اُورـ هَتندجّامش آتّيڨ آڨ ـ طَلّب فلّانغ الدِّينْ."
ثنّا ثامَطُّوث ـ ن ـ اُو ـ عــزَّاب:
" نشنين بَعد بَعْدْ اُورـ نتدندجّامشْ آنّيڨ آڨ أ اَطْلَبْ، آَخْلاصْ."
" نشنين نسدّغ ذڨ موكانن ذي ـ بَرِّيَّنْ، ينّا آرڨاز اَنّس،
" اُورـ نَسّالشا اِي لَاذانْ، لَا ذي اَنّصافْ ن ـ واسّ، لا ذُڨ آمسّايْ.
اُوغَرنغش لخبر ذَڨ ـ يُورْن اَذْ ـ وُوسّان نـوژومي.
ولّيش نِ ـ طَلّابَن آڨَلّان آندجّم آس ـ نّنُّوش اَصّاداقَث.
اُورـ نسّينش آَمك سَبّْغَن لُوضُو.
الحجّْ ذَ ـ الطّالب ن ـ الجامع ڨاع بَعْذَنْ فَلّانَغْ.
اُوـ نسّينش ثوثلايِيين آڨلّان اَتْواقْڔايَنتْ ذي الجامع، اَرْنِي،
اُونْفهّمشا اَلْمَعنا اَنّْسَنْتْ. ماتّا آغ ـ نْيَضْرَانْ اَمّالَا،
مُكشا آنّيلي نَحْلى ذي ـ هِيطّ ـ نْ ـ يِيلّو؟
اُو مُكشا آندجّم آنّيلي ذي ـ لَامان غَرسْ؟"
اِيسقصا آمسيڨل: " ولّيش ن ـ الطّريقَث هيشت باش آسْ ـ نَّعْجاب اِي ربِّي
وآنّاف لامان انيغ لَهنا؟
يَنّا اُو عَزّابْ: " اِيّا ـ ڨَلّان اَتروحَان غَرْ الجامَعْ بَرْكْ ذنَّهنين آڨلّان آهَنْ يَقْبَلْ رَبّي
وآذ ـ عاشن ذي ـ لَامَانْ،"
آرڨاز آَنّس يمّضرَان غرسَن اُو يَنّا، " هاتّايَا ثاقصيصث اتعاواذينيت اِيمَزوُورَا
زيك يلّا شْرا ـ نُ ـ اُوڨَلّيذ، لَخْطَرث اِيعَرضَدْ آقَضْعيث ـ نْ ـ يَرڨازَنْ باش آث ـ عشّان اِيذَسْ ذي لَقْصَرْ.
اُوذفَند غرس
اوُذْرَنْ اَزداثَس اَحطَاڔمِينيث لاباس.
اُورْـ اَسْوِينْ اَدّخّان اُوـ اَسُّوفِيسَنْ، اُورـ نَدجِّيمنشْ
آذرفذَن هيطّاوين غر ـ ثيخذيمين ـ نْ ـ لَقْصَرْ،
انّيغ مَشتا ذاوال اُوذيحْلينشْ اورـ يَنّـُوسْتَــيــفـــش جار ن ـ اَشّْواربْ اَنّْسَنْ.
بَانَنْ بَلّي ذي ـ اَرْڨازَن ذي مَثْرَبّْيَنْ
وآڨلّيذ يعجاباس الحال
لامكنّاتي، نتّا ذارڨاز ذوفهيم اُو يَسَّنْ آمكْ اَڨٌّورن يوذان.
سُڨّا روحَن اِينيجِيوَنْ،
يَصْرَف اِيخذيمن اَنَسْ آذ ـ سقصان اِيمَعشارْ اَنّسَنْ
أمك اَتّيـِڨَنْ ذي ـ اَسُّوق
وآدْ ـ ياوي لخبار ـ سْ ـ غَرْ الْخَلَاثْ اَنّسَـنْ ـ فْ ـ آمْك آڨُّـورن ذڨّْ آخّام
سُڨا اُوذفَندْ ايخذيمن غَر ـ لَقْصَرْ، اَويند لخبار ڨاع اِيْ ـ اُو ڨَلِّيذْ،
يُوذان آيّا اَتشّاثَنْ الْخَالَاثْ اَنّْسَنْ؛ واَتْكلّاحَن ْ لَعْبَاذْ ذِي ـ اَسّوقْ
اَتّمنوغَن اِيذْ ـ نِ ـ اِيمَعْشارْ اَنّْسَنْ. كُلّ اِيشتْ يَتشّاثْ ـ ف ـ اُوغيڔْ اَنّسْ
اُورْـ اَسْتاهِيلَنشَا باش آذ ـ ولّان ذي ـ مـدُّوكَالْ ـ اَنّكْ.‘
ينّاسنْ آڨَلِّيذ، " اُور ـ اَخْسَغْشْ آذرنِيغ آهْنَڙڕَغ ذي لَقْصَرْ اِينُوغْ!‘"
واِيكمَّل آمعزَّب اُوـ ينَّـا: ’’ ذي ـ الْجامَعْ، يُوذان اَتّاذْرَنْ ازْداثْ ـ ن اُوڨَلّيذ آمُقرَانْ،
وآذيڨَن كُلّشي باش آذسّنْعْثَنْ بَلِّي آهَنْ اَحْلَان.
اَمبَصَّحْ آلدا آذَرْڨَن ـ سِي ـ اَلْجامَعْ، ذينِين آڨَـلِّيذ آهَنْ ـ اِيعُوٍّسّْ
آمكْ آمّوُڨَنْ. ماتّا هَنِّيذ؟‘‘
مَا يَلّا اَثْژالِّيطّْ ذو ژوميْ اُور ـ اَتُّــوعانتشْ لَعْبَذْ يحلَا
اِيذ ـ ن ـ لُمّالي اَنّس، هِيماتّا ـ ن ـ لْقيمَتْ آغَرْسَنْ؟
اَذ ْـ وِيشتْ آڨلّان يتكلّاح يُوذان ذي السُّوق،
مُكْشا آذي ـ نَدجّم آذ ـ اِيراضَا رَبّي ذي اَلْجَامَعْ؟
ف ـ ثايّا ولّيش ـ نْ ـ لَامان ذي اَدِّيمُّث آيّا
خاطراش اُورـ نسِّينش مُكشَـا آنّراضا ربّي سَ ـ اَسِّـيـرْثْ اِيلِـيْقَـنْ اَذْ ـ تِـيكْلي ـ ن ـ ڨَـدّْ ڨَـدّْ.
اُو ف ـ لْعُوض ـ ن ـ وَامّا، اتحاوالَـن آذيـلين اَحلان ذي ـ ثِيـطّاوين اَنّسْ
قرّان آوال ن ربّـي، اطزومن رمضان!
وَالْفَنْ ـ س ـ اَثْغاوسِيوينْ آمَك اَلّانتْ اُوذْ ـ ذروزِّينشا اَفْ ـ وَجْدِيــذْ!"
يُـوقَّلْ غَرْسَن آمـسيڨـل، اُو يَنّا، " ثايّا اُور ـ اغْرَسّْشا لَاكَدْ الْمَعْنَتْ
آقّلت الًــصِّيغَـثْ ـ ن ـ وَژڕَفْ يَالّا.
يُوذان ڨاع اَقَّارَنْ بَلّي آژڔَفْ اَلْقِيمْتْ اَنَّسْ اَتّامُقرَانتْ لَاباسْ اُوْ ـ يَتْنُوزْ يَغْلَا.
اَمبَصّحْ اِيْ ـ مَاتّا اِيصَلّحْ؟ اَمّاغَفْ أ آخَذمِي ـ ن ـ لِينوكْسْ ولِّيشْ ذِيسْ اَلْفَـايَتّْ؟
آندجّم آنّبِّي ـ اِيــسّْ اَلْخَردلْ. اَنِّــيغ آنفثاح اَن ـ وُوزّال
آندجّم آنّفذَك اِيــسّْ الْباب.
سَ ـ تْغنـجَايَـثْ نُوٌقَـشّوظ آندجّم آنتشَّــارْ ثِـيڔْبّا اَسْ ـ تَرْوَايَـثْ.
ثِـيغَاوْسِيوينْ آيّا ڨاع نتّـافِيهنت. اَمبصّح اَثخاثَمتْ اَن ـ وَڙڕَفْ، اِي مَاتّا اَثْصَلّحْ؟
اَنِّـيغ آخَلخَـالتْ ـ ن ـ وَژڕَفْ، مَاتّا اَلْفَايَتّْ اَنّـسْ؟
يَتْـبانايَد يُوذان اُورـ اَسِّـينَـنْشَا واڨّلّان ـ ذيس الْفَايَـتّْ
سُڨْ ـ آڨَلّان ولّيش ذيسْ اَلْفايَتّ! آعزّاب يَقبَل ثوثلايث آيّا
" وآهَنْ وَالْفَنْ اَتّيڨَن آمَك اَتِّـيڨَنْ يُوذان ڨاع،"
" اَتّيڨَن آمْك آتّـيڨَن اِيّا آڨ ـ عَدّان،
اَتّبّاعَنْ لَعْوَايذْ ـ ن ـ لمالي انّسن سِي باباثسَن غَرْ مَمِّـيثْسَنْ
اَبْلَا مَا هاذْ سَقْصان بَلّي ذيسنت الفايتّْ اَنِّيغ آراح."
هَثّْـنَهّذ ثامَطُّــوثْ اَس ـ لاباس اُو ثَـنّا: "وايّا ڨاع يسّبحَــارْ،".
" ذي الرّاي اَنّك ولِّيـشّا ن ـ وَبريذ اِيشت ابْـلَا وايّا ـ آڨ ـ تّعجابن اِي رَبّي؟
آرڨاز اَنّس يَـنّا، " ثافوناسَتْ اَهضَوّلْ ـ سْ ـ وَسْغُــون ذي اَثْڕَعقيثْ
ثَـقّيـم ثَتّـنّضْ ذڨّ اِيشْتْ ـ ن ـ اُوموكان اَثرفَّسْ ذي ـ اثْمُورْثْ اَمْغِيـرْ اُورـ ذِيـقّيمِشَا لاكد اَقْلِي سِيْ اَلْمَرثَعْ.
اُورـ ثَحْـبيسْـشَا سُڨّْ اَجْبَاذْ ـ ن ـ وَسغُونْ اُوْ هَتِّـيڨْ كُلّشِي، آت ـ ثَخْـسْ آتّـبِّـيثْ
اَنّـيغ آتَّـقْلَع مِيغِـيسْ باش آتّخلَضْ غَرْ لَحْـشيش يَحْلَانْ.
هَامّا آنَلّا نَـشْـنِيـــن.
نشنين نتّشتاقاي آنّروح باش آنّاف ثَاڨَلْذا ـ ن ـ يِيلُّو،
اَمبَصّح نشنين نَـنْڊَض ذِي لَعْوَايَـذ، اُو نَـتَّاڨّاذ ماتّا آذينِــين فَلّانَغْ يُوذانْ!"
يَنّا آمسيڨَال: " هنّيذانَغ آـ مَاسْ بلّي اَثغاوسَا آڨ ـ اَتْهِيــمّان، نتّاث آتِّــيڨم واڨّْ ـ اَحْلَان اِيْ ـ يُوذان،"
، " اَمبصّح آمَك آنَّـسَّن واڨ ـ اَحْلان؟
ثابَثْ اَلّانت ثيغاوسِـيوِين اَحْلَانت ـ اِي وَاييَّـا، اُو ـ اُورـ حْلــينتشْ اِي وِينِّي،
اُو ـ ثِـيغاوسِـيوِينْ اُورَـ اَحْلِـينتْشْ ـ اِي وايَّـا، واَحْلَانتْ اِيْ وِينِّي."
ثامَطّـوثْ ـ ن ـ اُوعزّاب ثَبّاسْ هُوثْلَايَثْ
" اُورـ اَفهِـيمَغشْ ماتّا ثَخسَذ آتِّـينِيذ، آ آمـسيڨـل!"
اِيْ ـ هيه ، مايَلّا وَلْتْمَـا ذَ ـ نَّـتشْ غرنَغ ثاتَفّاحَث
وآتاويغ نتش ڨاع، ثايّا ثحلَا اِي نتش، امبَصَّح اُوثحليش اِي ـ نَتّــاثْ.
ما يَلّا اَبّيغت اُو اُوشيغاس آزڨَنْ، آنتش اَسَّـنقصَغْ سُڨ ـ آڨِلْ اِينُوغ اَملِيحْ
واَرنيغاس اِي ـ نتّاثْ.
يَعني آندجّم آنّبضااَثمُوحْـلِي جاراثْنَغْ؟
مَا يلّا اِيروح وِيشتْ غر ـ السُّوق
ويَسغا اَثـغَاوسا ثَغلَا ـ ف ـ اَسُّومْتْ اَنّسْ،
ذِي لْبَالْ اَنَّسْ نتّا يَتُّوكَــلّحْ
اَمبصّح ذي لْبال ـ ن ـ واس ـ اِيـزّنْزَنْ، ذ ـ لْفَايَتّْ
اَنّيغ آمتشّوك آڨلّان اِيسَرّح ـ سَ ـ اّدّوبان آلْدا ـ آذ ـ يَسْلْ اِيْ لَاذَانْ
آذ ـ يَدجّ اَدُّوبَان اِيرتَّع ذي ـ اَثعَڔقُوبَثْ باش آذ ـ اِيروح غَرْ الجامَع،
آنِّـيني بَلّي اَثْـغَاوسا ثَحْلَا،
اَمبَصّح ـ ف ـ باب ـ نَ ـ اَدّوبان، اَتّْـغاوسَا اُورـ ثَحْـلِيشْ.
اُورـ تندجّامَغشا آذافَغْ الحلّْ اِي لْمُوشكِيلْتْ آيّا.
آمكْ آندجّم آنّژڔْ واڨّْ ـ اَحْلَان سُڨ ـ آڨلّان اُورـ ذي ـ احْليشَا؟"
ينّا آمـسيڨـل:" اغْرِي آسقصي وِيشْتْ، ".
" مَا يلّا اِيڨِـيغ اَث ـ غاوسَا سَ اَنَّـيَّـثْ يَـحْلَان،
واَمبَعْد آذافَغْ بَلِّي اَثْـغاوسا آيَّا هتضوڔَّاي وِيشْتْ اَسّيُونِّي،
مُكِشَا آذ ـ ندجّمَغ آذ ـ رانْجِيغ ثامسالتْ؟
مُكشا آذ ـ ندجّمغ آذعذلَغ لْحالتْ اِيذ ـ ن ـ يُوذان آڨلّان ضوڔَغ واِيذ ـ ن ـ رَبّي؟
ما يَلّا طَيّشَغْ آحْذيــرْ باش آذ ـ نَهڔَغْ اِيزمارَنْ اُورـ اتْبعّاذَنشْ،
اَمبصّح لُوكان آتّلْقَف آمتّتشوك وآذـ يَمَّثْ،
ماتّا آذيڨغ باش آي ـ سَمَحْنْ لُمّـاَلِي اَنّسْ؟
اُو ماتَّا آذيڨغ باش آي ـ يَسْمَحْ رَبّي؟
اُو لوكان آذ ـ اَمْنُوغَغْ اِيذ ـ ن ـ ويشت وآثوثغ س ـ لْبونْيَا،
اَمْبَعدْ آذافَغْ بَلِّي يَلّا غَرْسْ الْحَقّْ ـ ف ـ نَڨَّارو،
ماتّا آذيڨغْ باش آيّسمَحْ ـ نتَّـا؟ اُوـ ماتّا آذيڨَغ باش آيَّسمَح رَبّي؟
اَقّيمَنْ ذينين ثاسمانتْ اِيذ ـ ن ـ اِيعزَّابن،
اِيمرذينك آمـسيڨـل يَژڊَا فالُو سِي اَسّْـعَفْ ـ ن ـ تَزْدايْثْ
واِيضُوبّْ ثِيطَرباقين ـ نَ ـ اَدّرَارِي ڨاع.
اثزيزوتّْ ثَڨناسَن وَاَهْضُوبّاسَنْ اِيكَتَّافَنْ اَنّسَنْ ـ اَسْ ـ تَسَّڨْنِيثْ ذوـ فالُو
آڨلّان يوشاسْهَن واڨ ـ اَتّـبّـين اِيصـغاڕَنْ.
واَمبَعْد آمـسيڨـل اَذ ـ اثزيزوتّْ اَدجّينيهَنْ اُوْ كَمّْلَن آبْرِيــذْ اَنّسَنْ،
اُو نَهنِين اَتْمَكثَايَــن اِيسَقصايْ ڨاعْ ن ـ اُوعزّاب ذ ـ اَتّمَطُّوثْ اَنّسْ.
يوقّا الطَّرف ويس سَتّة سي ثَقصيصتْ