آمسيڨل ذ ولتماس كمّـلـن ذڨ اَبريذ اَنّسَن امغير خلضن زداث ـ ن ـ شرا ـ ن ـ وخّام اِيرابْ.
اَشرا ـ ن ـ آمْــڔابَـضْ ـ ذي ـ امدربل يلّا يَقّيم ـ ذڨ ـ اِيــمٍـيْ ـ ن ـ الْــبَـاب.
اَڨرين فلّاس آزّول سَ الضّرافث امبصّح نتّا اُوريوعيش ـ فَـلَّاسَـن. يقّيم ذينين، واِخْفْ اَنّس يُــوذَر.
ينّا آمـسيڨـل: " يرحم والديك، آماسْ،‘‘
" آبريذ آيّا، ماني يتّاوي؟ " يقّيم آمْــڔابَـضْ يتّاقّال غَرْسَن، ونتّا يتخَمّام.
ياخي امباعد يوثلاي اُو ينّاسن: " "يتّالي واِي هُڨاَّ." يتروحا اُوْ يتّاسد،"
ينّا وَمـسيڨـل: " يتبانايد، آ ماس،
مكشـا اثسَدْغَذْ اسْمان ن ـ وَبريذ آيّا،"
" اورهسّينَذشَ ماني آڨْ ـ تّاوي؟"
آمْــڔابَـضْ اُوذيوثلايشا آقضعيث ـ ن ـ تدقيقين، اَمبعد ينّا،
" حَدّ ـ لا ـ غرس لخبّر آني آڨاتّاوي! " آمـسيڨـل يَبْحرْ واِيسقصا:
" أُوريْـتّاوي لاكد غروموكان؟آمْــڔابَـضْ يوقّل غر اثْمورثْ،
يَلْتا سُو خممّم انّس اُوـ ينّا ف ـ اَثْڨارا. " اِيميرا ماتّا ثَخْسَذ آكينيغ؟"
حدّ لا يوسيد سي الحدّ واِيْخَلضدْ ذايّا.
لاعود أُو غرسّشا ن الحدّ. " اَمّالا، آث ـ آجنّا اُوـ غرسّشا ـ ن ـ الحدّ."
واِيكمّل آمـسيڨـل ثوثلايث اَنّسْ، " لامكنّاتي اِيفْراخ اَتّافّاڨان غاذي اّذْ وَاوْرَا،
وخلّضن ماني اَخْسَنْ آذ ـ رُوحَنْ. لوكان آنتبّعْ آبريذْ آيّا،
مشتا اُونخلّضشا غر الحدّْ اَنّسْ،
ڨانا ڨانا آنّخلض غر لْبَحْض نِي ـ موكانَنْ!"
اِيبــدّ اآمْــڔابَـضْ اُو يَطّفْ آمـسيڨـل سُڨ فوس اَنَّـس اُو ـ يَنّا:
" غرك الحقّ!
آنتش ژڕّغ بَلّي آشك ذوفْــهـيم آهلّيذ اُوهتميّازَذْ اَمليح.
آسّغذ، آمَمِّي، آكينيغ اثغاوسة.
ثاصَطّا ـ ن ـ لْمَشْماشْ يزّم خَمْسَمْيَا ن ـ تَورِيقين باش آتّارو ثامشماشَتْ.
ثاصَطّا ن ـ الرُّمَّانْ، يزّم أَلْفْ ـ ن ـ تَوريقين باش آتّـارو ثارُمَّانْتْ.
ما يلّا ثخسذ آتُّوثلايَذْ ثوثلايَثْ نَ ـ الصَّحّْ،
يزّم آتخَمّمَذْ اَمْيَا ـ نَ ـ لْخَطْرَاث وأطّژڕَظْ اَمْيَا ـ نَ ـ لْخَطْرَاث اَزداث ـ ن ـ واها آتّيـنيذ آوالْ!"
سُڨّا يسلا آمـسيڨـل ثوثلايث آيّا يَرْنِي يَبْحَرْ اَكْثَرْ ـ نْ ـ زِيكْ.
يرني آمْــڔابَـضْ يَنّا: " اَمّاغَف يِيْڨانَغْ رَبّي سَنْتْ ـ نْ ـ تِيطّاوينْ
اَذْ يِيْشْتْ ـ ن ـ يِيْمِي؟
اَمّاغف يوشانَغ سَنّ نِي مَجّان اَذْ يِيْشْتْ ـ نْ ـ يِيْلْسْ؟"
ينّا آمـسيڨـل:"لاعود،"
" يَخْسانَغْ باش آنّژڕْ وآنّسلْ اَكثَڕ ـ ن ـ واهانّوثلاي؟"
آمْــڔابَـضْ يسّنڨوڨا اِخْف اَنّسْ اُو ينَّـا: "واَمّاغف اَمّالا اِيسَڨَم الحالْت
باش آندّجم آنَّقَّن أِيمِي ماشي اِيمَجّان؟"
ينّا آمـسيڨـل:" يتبانايّدْ باش آنسّوسَم وآنّحاذَرْ." .
آمْــڔابَـضْ يـنَّا: " لامكَنّاتي، اَمّاغَف ربِّي ييڨا آڨزّيز ذامَزْيان ذي
الجيهث آنيجايث نومَجُّو؟"
ينّا آمـسيڨـل:" ثايّا اُوتندجّامغشا آكْتينيغ،"
آمْــڔابَـضْ ينّا: "كلّ ما هسليذ اثغاوسة اوركتّعْجابايشا،
آتندجّمذ آتسّعَدّيتّ فوـ ڨَزّيزْ باش آتياوي لَهْوَا
آزَنْ ڨاع آهَسّالَذْ، وامبعد اَژڕْ مَا يلّا اتّيذتّ اَنّيغ آراح،
اِيحبَّـا نَ ـ لْجُوز، آ ڨ فڕْغّنت ذ ـ اَنهـنـتين آڨَلّان اَتُّـوثلاينت!‘‘
آمـسيڨـل يسّوسَم اُوذيرنيش آذييني لاكد اِيشت ـ ن ـ واوالْ.
آمْــڔابَـضْ بَعد، يسّوسَم. فونَڨّارو آمـسيڨـل يوثلاي،
" آ ماس، نشنين نمسَلْقا اِيذ ـ ن ـ وا ڨّتّبّين اِيصغاڕن
ذنّتّا آڨلّان يسّنعثانغ آمك ثبهَا الدّيمُّث اُو ثَحْلَا
اِيفْرَاخْ، النُّوّار ذيبَخّاشْ ڨاع اَتْواخَلْقَنْ
سْ لَعْقَالْتْ اَتّامُقْرَانْتْ ذَ تّْموسّنِي نَ العولوم.
يَنّانغ بلّي يلّا ويشت، ذنّتّا آڨّيڨين ثيغاوسيوين آيّا ڨاع.
ما يلّا فلّا نتش، اقّارغ بَلّي اَثْموحلي ـ ن ـ الدّيمُّثْ آيّا آت ذي لَلْوانْ.
لوكان يلّا غير آبركان ذوملّال، اُونتسّنشا خلاص
اثموحلي نَ الصِّحّْ.
اَمبَصّح اَثْغاوسة اُوتفهيمغشا
ماتّا اَلّان لَلْوان آيّا اُوْ مانيس آدوسِين؟
آذفل، السبّث ـ ن ـ ثمللَ انَّس ـ ذ ـ آصَمّيظ، اَمبصّح ثاملّالت السّبّث ـ ن ثمللَ انَّس ـ ذ ـ الحُمّان.
مُكشا آصمّيض ذَلْحُمّان ندجّمن آذَمسَفهامَنْ باش آذيڨَن ثيملّ.
آمْــڔابَـضْ يرني ينّا، " آفوكث ثتّزويغ ذي هصمض نومَسّاي،
امبصّح اُوزّالْ يَتَّزويغ ذي الحُمّان ـ ن ـ العافيفث.
مُكشا آصمّيض ذَلْحُمّان ندجّمن آذَمسَفهامَنْ باش آذيڨَن هَازْوَغْثْ؟
اُورسّينَغ مامَك، آمَمِّي!" ينَّـا آمـسيڨـل اُوـ يثّنهّذ.
"اَلّانتْ ثيغاوسِيوينْ عَرّْمَنْتْ لاباس ذي الدِّبمُّث آيّا
ينّا: وهنتنّسّينشا اوهنتنفهّمشا،"
" آبريذ يَتّالي وِيهُڨّأ،" يسّيوَل آمْــڔابَـضْ،
" اَمبصّح اُونخَلّضشا خلاص غر الحدّ اَنّسْ!
آنشنين ذايّا نَقّيم ذي الحدّ ـ ن ـ وَبْرِيذْ، اَنژڕّ اُوْ نَسّغاذايْ،
لامكنّاتي ذي الواقع اونّسّينشا، آبريذ آيّا
واڨَتّبّين اِيصغاڕن يسّنعثاك آمك ثبها الدّيمُّث اُوْ ثَحْلَا،
امبصّح نتش آكسّنعثغ اَثْغاوسة هيشتْ،
خاطراش هضرا اَثغاوسِة اَهْفِيّا لَبهاوَثْ ذتّموحْلي اَنّسْ.
ذي الرّاي اِينوغ، الدِّيمُّث آيّا ثتشبّاه لاباس غر وخّام آيّا آڨّرابَنْ."
" اِينايَدْ ماتّا ثخسذْ آتّينيذْ، آ ماس،" ينّا آمـسيڨـل.
" أاِيْ هيه، لوكان آتّثْوالّهذ اَمليح،" ينّا آمْــڔابَـضْ،
" آتّافذ بلي ولّيشّا ـ ن ـ تغاوسة اُوثَحليش انّيغ اثفوح ذڨْ مانَّس بَعْدْ.
كلّشي اِيبتّا يحلى واَمْبّعْدْ آثْفِيّانت ثِيغاوْسِيوين هِيِّيض.
آتّافَذ ذي ثبحيرث ـ نَ ـ اللُّوزْ آتقّيمذ اَثْبَحْرَذْ ذي لَبْهَاوَثْ ـ نَ ـ النُّوّارْ،
اَمْبَصَّحْ اَمْبَعْدْ آتّژڕَضْ آزنْجَڕْ ـ ف ـ لْغلّث آڨْ ـ غَمِّينْ،
آذوِينين آڨْ ـ اَتْفِيّان اَثْمُوحْلِي اِينِيْنْ.
آتَّسْوَذْ آمان ـ نْ ـ يَغژڕْ اِيژيْضَنْ اُوْ صَمْضَن،
اَمبعدْ آتّافَذْ بَلّي ذِيسْ اِيبَخّاش ذِي مَزْيَانَنْ
آڨَلّان اَسّاضَانَنْ ڨاع واڨّْ اَسْوِيْنْ اَسِّيسَنْ.
آتّاذفَذْ غَرْ وخّام وآتّافَذْ آمتشّوك يحلا وذاصحيح
اَلْجَهْذْ اَنَّسْ اِيلُولْ، لامكنّاتي آذِي ـ ڨَعْمَرْ ذاعڨُّونْ اُورْ ذِي ـ سّالش.
آقّل آفلّاح آمَكْ يَتَّزُّو ثِيمْژِين وِـ اِيغمّايَندْ اَتْرَاڨَنْدْ سِي ـ ثْمُوْثْ،
لامكنّاتي غِيْرْ آذَبْذَانْتْ ثِيْسْبَالْ اَتُّوفَنتْ، آذ ـ سَــوّْسَــنْــتْ.
وآقّلْ آمْكْ آرڨاز يتّشْتا ثامَطُّوثْ
وآذيوش آڨلّان غرس باش آذ ـ يرشَلْ اِيْسّْ،
اَمبصّح آديَاذف جاراثسَنْ الموشْكيل.، وآتِيحاوزْ.
آخّام لاعود آذيِيلي يَبْنا ف ـ السَّاسْ يَحْلَا،
لامكنّاتي اِيذ نَ الوقّث لَحيوظ ذَ السّقَفْ آذاضون.
آڨّْ ـ اَمُّوڨَنْ ڨاع يسّنْعَاث بلّي يِيلّو يِيڨا كُلّشْ يحلا ـ اُو ـ وَلِّـيـش ـ آم ـ نـتَّـا،
لامكنّاتِي يرڨَدْ لْموشكِيلْ جار ن ـ واڨّ اتْواخَلْقَنْ اَذْ لَبْهَاوثْ اَنَّسْ
ثلّا اَثْغاوسَا اثْفِيّا ڨاع واڨلّان."
ينّا آمـسيڨـل: " ماتّا هلّا اَثْغاوسَا آيّا آڨلّان هوذفد باش آتّفِيّا كُلّشْ؟" .
اِيواجبيث آمْــڔابَـضْ: " اِي هِيهْ، الدّيمُّثْ ثتشّوڕ سْ ـ بُوفْرِيرَاث ذِي ـ موشّان!"
اِيسقصا آمـسيڨـل: " يالّا بُوفْرِيرَاث ذِي ـ موشّان آذفِيّان الصّحْ الدِّيمُّثْ؟"
" ماشي ذالصّحْ" ينّا، لامكنّاتي اُوذَان آهَـن ـ اَزِّي ـ نِيْ فَڔْطَطّا ذِي مُوشّانْ
آفرططُّو يتّافاڨ غاذي اذ ـ واورا، يتاويث لهوا ماني يخس,
الوَقَّث آڨَلّان يَلّا اِيرُوزّي ذيسْ ف ـ ثْ ـ نُوّارْثْ آتّيلي ثحلا خير ـ ن ـ تِيّينّي ڨاع.
اُوذان ڨاع هامّا. اُورـ سِّينَنْشا مانِي آذافن آفغْ روُزِّينْ.
لَا كد موشّ ديما يتّصطاذاي آلَقّاظ اَنّسْ بْلا ماَ هاذيَحْبِسْ، يسّارامْ آث ـ يَطَّفْ،
اَمبَصّحْ معّاش آث ـ يَطّف.
هامّا اتّيڨن يوذان
اَتغيمان غير اتّصطاضايَنْ ذي الظلّ اَنّسَنْ.
اَتّازّالن غاذي اَذْ وَاوْرَا اَمغير آذغَلْبَنْ
اَمبَصَّح اُوغرسنشا ديمَا آخْسَنْ.
اُو مَا يلّا اِيذ ـ ن ـ لْوَقّثْ اِيندجّم موشّ آذْ ـ يَطّفْ آلَقّاظ اَنّس ، اِيمَرذِينْكْ ماتّا آذْيِيڨ؟
آتْ ـ يَذْرَمْ اقْلِي، آس ـ يَلّفْ، واَمْبَعْد آذيَكّرْ وآذِيرُوحْ.
اُورذيلتّاش سُ لقّاظ اَنّس اَخْلاص.
اُوذان اُورـ سِّينَنْشا ماتّا اَخْسَنْ،
اُو يَلّا مَانِي آذْـ يِيلِي غرْسَنْ مايَفْ رُوزِّينْ،
آذْ ـ قَرّْرِن بَلّي وايّا اُورـ سنيتّعجابَش.
اِيخَمِّيمن اَنّسَن ڨاع شَوّشَنْ!
اُورـ اَسِّينَنْ آذَافَن آيَفْ رُوزّين اُورـ سِّينَنْ آخْسَنْ،
لا ـ هاذ بْروفيتان سڨّْ آڨَلّان غَرْسَنْ!
ثَلّا اَثْغاوسَا هوسِيد باش آتّ بَرّا ـ لَعْبَذْ ف ـ لعقل ـ انّس، اُو فْ ـ وامّا ثخلَا فَلّاس!"
آمـسيڨـل ينّا: "ثَسّنَمْ بلّي"
" اَثغاوسَا آدْ ـ يُوسِينْ اَثْبَرّا لَعْبَذْ سْ ـ سي لعقل انّس؟"
ينّاآمْــڔابَـضْ: " لَاعُودْ اَثغاوسَا آڨْ ـ اَضْرَان اِيْ الدِّيمُّث آيّا
هَضْرَا اِي ـ لَعْبَذْ بَعْدْ.
اُور ـ يَلِّيش آمَكْ يلّا سُڨّا اِيخَلْقِيثْ يِيْلُّو.
آنشنين اَنژڔّْ الدِّيمُّثْ هَتْشّورْ اَسْ ـ وَاضَانْ،
لّخْلَا اَذْ ـ ڨَاعْ نْ ـ لَنْوَاعْ ن ـ الشرّْ.
آتّينِيذ ثَضْرَا اَثْغَاوسَا اِي الدِّيمُّث
آتّينِيذ ذَ ـ اَلْوَهْفْ يُوعَڔ اِيكوَّشْ فَلّاسْ
خَاطْرَاش ڨاع آڨتَدّرَن ذِي الدِّيمُّث آيّا اِيْوَلّا اذْ ـ مَاضُونْ.
آه، لُوكَان بَرْكْ آندجَّمْ آنّاف الصَّحَّث ـ ذَ ـ الرّاحَثْ!
لامكنّاتِي اِيذْ ـ نْ ـ كُلّْ آسڨّاسْ، الصّحَّث ثَتْرُوحَا والرّاحَث هتّافّاڨْ!
اَتّايّا ذَ ـ الدِّيمُّثْ ــ خَاطراشْ لَعْبَذْ اَذْ مَاضُون، اُو يَسْدّغْ ذِي الدِّيمُّث اَتّمَاضُونْتْ."
آمـسيڨـل اَذْ اَثزيزوَتّ كَمّلَن آبْرِيذ اَنّسَن لّخْطَرْثْ هيشتْ.
آمْــڔابَـضْ يَسّيرْمَاسَنْ آبرِيذْ يَحْلَان. اوـ يَنّا، " مَا يَلَّا ثُوفِيمْ وِيْشْتْ،"
" آڨَلّان يَسّنْ مَاتّا آڨّ ـ اَضْرِانْ اِي الدِّيمُّث، مَاتَّا آتِيفِيّانْ،
اُوْ مُكشَا آندجّمْ آنّسْلَكْ سِي ـ لْوَهْفْ آڨّْ ـ اُوعْڔَنْ
آڨَلّان اِيكَوَّشْ فلّاس، وَلّاتِّيتّْ هِينِيمّايَا!"
يُوقّا الطَّرف وِيس رَبْعَا سِي ثَقْصِيصَتْ